ਉੱਤਰਾਖੰਡ ਅਤੇ ਯੂਪੀ ਤੋਂ ਵੱਡੀ ਗਿਣਤੀ ਵਿੱਚ ਬੱਚੇ MBBS ਦੀ ਪੜ੍ਹਾਈ ਕਰਨ ਲਈ ਯੂਕਰੇਨ ਅਤੇ ਰੂਸ ਜਾਂਦੇ ਹਨ, ਇਸ ਪਿੱਛੇ ਇੱਕ ਵੱਡਾ ਕਾਰਨ ਹੈ, ਇਨ੍ਹਾਂ ਦੇਸ਼ਾਂ ਵਿੱਚ ਡਾਕਟਰੀ ਸਿੱਖਿਆ ਸਸਤੀ ਹੈ। ਯੂਕਰੇਨ ਵਿੱਚ ਇੱਕ ਸਾਲ ਦੀ ਮੈਡੀਕਲ ਸਿੱਖਿਆ ਦਾ ਖਰਚਾ ਮਹਿਜ਼ 3.38 ਲੱਖ ਰੁਪਏ ਹੈ। ਇਸ ਦੇ ਨਾਲ ਹੀ ਉੱਤਰਾਖੰਡ ਵਿੱਚ ਇਹ ਖਰਚਾ 18 ਲੱਖ ਰੁਪਏ ਸਾਲਾਨਾ ਤੋਂ ਵੱਧ ਹੈ। ਪ੍ਰਾਈਵੇਟ ਮੈਡੀਕਲ ਕਾਲਜਾਂ ਵੱਲੋਂ ਲਏ ਗਏ ਚੰਦੇ ਦੀ ਰਕਮ ਨੂੰ ਇਸ ਖਰਚੇ ਵਿੱਚ ਜੋੜਿਆ ਨਹੀਂ ਗਿਆ ਹੈ। ਯੂਕਰੇਨ ਵਿੱਚ MBBS ਦਾ ਅਧਿਐਨ ਕਰਨ ਦੀ ਸਾਲਾਨਾ ਲਾਗਤ 4500 ਡਾਲਰ ਹੈ। ਜਿਸ ਦੀ ਭਾਰਤੀ ਕੁੱਲ ਰਕਮ 3.38 ਲੱਖ ਰੁਪਏ ਬਣਦੀ ਹੈ। ਇਸ ਤੋਂ ਇਲਾਵਾ ਹੋਰ ਖਰਚਿਆਂ ਨੂੰ ਜੋੜ ਕੇ ਕੁੱਲ ਸਾਲਾਨਾ ਖਰਚਾ 5 ਤੋਂ 6 ਲੱਖ ਰੁਪਏ ਬਣਦਾ ਹੈ।
ਉੱਤਰਾਖੰਡ ਵਿੱਚ ਪ੍ਰਾਈਵੇਟ ਮੈਡੀਕਲ ਕਾਲਜਾਂ ਵਿੱਚ ਪ੍ਰਬੰਧਨ ਕੋਟਾ ਫੀਸ 18 ਲੱਖ ਰੁਪਏ ਸਾਲਾਨਾ ਹੈ। ਹੋਰ ਖਰਚਿਆਂ ਨੂੰ ਜੋੜ ਕੇ ਕੁੱਲ ਸਾਲਾਨਾ ਖਰਚਾ 27 ਲੱਖ ਰੁਪਏ ਬਣਦਾ ਹੈ। ਇਸ ਵਿੱਚ ਸੁਰੱਖਿਆ , ਹੋਸਟਲ ਦੇ ਖਰਚੇ ਵੀ ਸ਼ਾਮਲ ਹਨ। ਉੱਤਰਾਖੰਡ ਦੇ ਪ੍ਰਾਈਵੇਟ ਮੈਡੀਕਲ ਕਾਲਜਾਂ ਵਿੱਚ 27 ਲੱਖ ਰੁਪਏ ਦੀ ਸਾਲਾਨਾ ਫੀਸ ਦੇ ਨਾਲ ਹੀ ਪਹਿਲੇ ਸਾਲ ਵਿੱਚ ਦਾਖ਼ਲੇ ਸਮੇਂ ਵੱਡੀ ਰਕਮ ਦਾਨ ਵਜੋਂ ਵੀ ਲਈ ਜਾਂਦੀ ਹੈ।
ਦੂਜੇ ਪਾਸੇ ਜੇਕਰ ਯੂਪੀ ਦੀ ਗੱਲ ਕਰੀਏ ਤਾਂ ਇੱਥੇ MBBS ਕੋਰਸ ਦਾ ਖਰਚਾ ਸਾਲਾਨਾ 25 ਲੱਖ ਤੱਕ ਆਉਂਦਾ ਹੈ, ਜਿਸ ਵਿੱਚ ਹੋਸਟਲ ਅਤੇ ਖਾਣੇ ਦੇ ਖਰਚੇ ਸ਼ਾਮਲ ਹਨ। ਜਿੱਥੇ ਯੂ.ਪੀ ਵਿੱਚ ਸਾਲ ਦਾ ਖਰਚਾ 25 ਲੱਖ ਹੈ, ਉੱਥੇ ਯੂਕਰੇਨ ਵਿੱਚ 5 ਸਾਲ ਦਾ ਖਰਚ ਕਰੀਬ 25 ਲੱਖ ਹੈ।ਯੂਪੀ ਵਿੱਚ 5 ਸਾਲਾਂ ਵਿੱਚ ਇਸ ਕੋਰਸ ਲਈ 1 ਕਰੋੜ 15 ਲੱਖ ਤੋਂ ਵੱਧ ਖਰਚ ਕੀਤੇ ਜਾਂਦੇ ਹਨ।
ਭਾਰਤ ਦੇ ਸਰਕਾਰੀ ਮੈਡੀਕਲ ਕਾਲਜਾਂ ਵਿੱਚ MBBS ਦੀਆਂ ਸੀਮਤ ਸੀਟਾਂ ਹੋਣ ਕਾਰਨ ਮੈਡੀਕਲ ਵਿਦਿਆਰਥੀਆਂ ਨੂੰ ਪ੍ਰਾਈਵੇਟ ਮੈਡੀਕਲ ਕਾਲਜਾਂ ‘ਤੇ ਨਿਰਭਰ ਹੋਣਾ ਪੈਂਦਾ ਹੈ। ਇੱਥੇ ਮੈਡੀਕਲ ਸਿੱਖਿਆ ਬਹੁਤ ਮਹਿੰਗੀ ਹੋਣ ਕਾਰਨ ਮੱਧ ਵਰਗ ਪਰਿਵਾਰਾਂ ਦੇ ਵਿਦਿਆਰਥੀ ਪੜ੍ਹਾਈ ਲਈ ਰੂਸ, ਯੂਕਰੇਨ ਵਰਗੇ ਦੇਸ਼ਾਂ ਦਾ ਰੁਖ ਕਰ ਰਹੇ ਹਨ।
