ਗੁਰਦੁਆਰਾ ਨਾਨਕਮੱਤਾ ਸਾਹਿਬ ਬਣਿਆ ਪਿਕਨਿਕ ਸਥਾਨ ਹਦੂਦ ਵਿਚ ਨੰਗੇ ਸਿਰ ਖਿੱਚੀਆਂ ਸੈਲਫੀਆਂ
ਨਾਨਕਮੱਤਾ ਸਾਹਿਬ
ਗੁਰਦੁਆਰਾ ਨਾਨਕਮੱਤਾ ਸਾਹਿਬ ਵਿਖੇ ਇੱਕ ਵਾਰ ਫਿਰ ਤੋਂ ਮਰਿਆਦਾ ਦੀਆਂ ਧੱਜੀਆਂ ਉਡਦੀਆਂ ਵੇਖੀਆਂ ਗਈਆਂ।
ਹਰ ਸਾਲ ਦੀ ਤਰ੍ਹਾਂ ਦਿਵਾਲੀ ਦੇ ਮੌਕੇ ਲਗਦੇ ਪ੍ਰੋਗਰਾਮ ਵਿਚ ਗੁਰਦੁਆਰਾ ਨਾਨਕਮੱਤਾ ਸਾਹਿਬ ਦੀ ਹਦੂਦ ਵਿਚ ਇਸ ਦੌਰਾਨ ਬਹੁਤ ਕੁਝ ਐਸਾ ਦੇਖਣ ਨੂੰ ਮਿਲਿਆ ਜਿਸ ਨਾਲ ਗੁਰਦੁਆਰਾ ਸਾਹਿਬ ਦੀ ਮਰਿਆਦਾ ਦੀਆਂ ਧੱਜੀਆਂ ਉਡਦੀਆਂ ਵੇਖੀਆਂ ਗਈਆਂ ।
ਇਸ ਦੌਰਾਨ ਕਈ ਲੋਕ ਹਦੂਦ ਵਿਚ ਨੰਗੇ ਸਿਰ ਨਜ਼ਰ ਆਏ.ਲੋਕਾਂ ਨੇ ਸੈਲਫੀਆਂ ਲਈਆਂ ਜਿਥੇ ਕਿਸੀ ਵੀ ਸੇਵਾਦਾਰ ਨੇ ਰੋਕਣ ਦੀ ਕੋਸ਼ਿਸ਼ ਤੱਕ ਨਹੀਂ ਕੀਤੀ।
ਕਈ ਲੋਕਾਂ ਦੇ ਇਸ ਦੌਰਾਨ ਪੈਸੇ, ਪਰਸ, ਸੋਨੇ ਦੀਆਂ ਚੈਨਾਂ ਦੀਆਂ ਚੋਰੀਆਂ ਵੀ ਹੋਈਆਂ।
ਪਿਛਲੇ ਦਿਨੀਂ ਹੋਈ ਘੋਰ ਉਲੰਘਣਾ ਤੋਂ ਬਾਅਦ ਵੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵੱਲੋਂ ਗੁਰਦੁਆਰਾ ਸਾਹਿਬ ਦੀ ਮਰਿਆਦਾ ਵਲ ਕੋਈ ਧਿਆਨ ਨਹੀਂ ਦਿੱਤਾ ਜਾ ਰਿਹਾ ਬਲਕਿ ਸ੍ਰੀ ਅਕਾਲ ਤਖਤ ਸਾਹਿਬ ਜੀ ਵਲੋਂ ਉਨ੍ਹਾਂ ਨੂੰ ਸਖਤ ਤਾੜਨਾ ਵੀ ਕੀਤੀ ਗਈ ਸੀ।
ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਨਾਨਕਮੱਤਾ ਸਾਹਿਬ ਵਲੋਂ ਇਸ ਸਮੇਂ ਪ੍ਰਬੰਧ ਵਿੱਚ ਵੱਡੀ ਲਾਪਰਵਾਹੀ ਵੇਖਣ ਨੂੰ ਮਿਲੀ। ਆਮ ਸੰਗਤਾਂ ਨੂੰ ਵੱਡੀ ਮੁਸ਼ਕਲ ਦਾ ਸਾਹਮਣਾ ਕਰਨਾ ਪਿਆ।
ਸੁਝਵਾਨ ਲੋਕਾਂ ਵਲੋਂ ਕਿਹਾ ਗਿਆ ਕਿ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਪ੍ਰਬੰਧ ਕਰਨ ਵਿਚ ਨਾਕਾਮ ਰਹੀ ਹੈ ਉਨ੍ਹਾਂ ਨੂੰ ਸਿਰਫ ਨੇਤਾਵਾਂ ਦੀ ਖੁਸ਼ਆਮਦੀਦ ਕਰਨੀ ਆਉਂਦੀ ਹੈ। ਉਹ ਪ੍ਰਬੰਧ ਦੇਖਣ ਵਿੱਚ ਨਾਕਾਮ ਰਹੇ ਹਨ
Qtv ਪੰਜਾਬੀ ਵਲੋਂ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਨਾਲ ਇਸ ਸਬੰਧੀ ਗੱਲਬਾਤ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ ਪਰ ਉਨ੍ਹਾਂ ਨਾਲ ਸੰਪਰਕ ਨਹੀਂ ਹੋ ਸਕਿਆ। ਮੌਕੇ ਉਤੇ ਮੌਜੂਦ ਸੇਵਾਦਾਰਾਂ ਨਾਲ ਗੱਲਬਾਤ ਕੀਤੀ ਗਈ ਪਰ ਕੋਈ ਜਵਾਬ ਨਹੀਂ ਮਿਲ ਸਕਿਆ।
